ಬೆಳಗಾವಿ: ತಾಲ್ಲೂಕಿನ ಬಾಚಿ ಗ್ರಾಮದ ಬಳಿ ಮಹಾರಾಷ್ಟ್ರದಿಂದ ರಾಜ್ಯಕ್ಕೆ ಅಕ್ರಮವಾಗಿ ಸಾಗಿಸಲಾಗುತ್ತಿದ್ದ ₹35 ಲಕ್ಷ ಮೌಲ್ಯದ ಗೋವಾ ಮದ್ಯ ಮತ್ತು ₹20 ಲಕ್ಷ ಮೌಲ್ಯದ ವಾಹನವನ್ನು ಅಬಕಾರಿ ಇಲಾಖೆ ಅಧಿಕಾರಿಗಳು ಭಾನುವಾರ ನಸುಕಿನಲ್ಲಿ ವಶಪಡಿಸಿಕೊಂಡರು.
ಮೀನನ್ನು ಇಡಲಾಗುವ ಇನ್ಸುಲೇಟೆಡ್ ಕಂಟೇನರ್ನಲ್ಲಿ (ತಾಪಮಾನ ನಿಯಂತ್ರಕ ಸಾಧನ) ಮದ್ಯದ ಡಬ್ಬಿಗಳನ್ನು ಬಚ್ಚಿಟ್ಟು ಸಾಗಿಸಲಾಗುತಿತ್ತು.
ಮೊದಲೆಲ್ಲ ಗೋವಾದಿಂದ ಖಾನಾಪುರ ತಾಲ್ಲೂಕಿನ ಕಣಕುಂಬಿ ಮಾರ್ಗವಾಗಿ ರಾಜ್ಯಕ್ಕೆ ಮದ್ಯ ಸಾಗಣೆ ಆಗುತಿತ್ತು.
ಈಗ ಅಲ್ಲಿ ಚೆಕ್ಪೋಸ್ಟ್ ಸ್ಥಾಪನೆಯಾದ ಬಳಿಕ ಮಹಾರಾಷ್ಟ್ರದ ಬಾಚಿ ಮೂಲಕ ಮದ್ಯದ ಅಕ್ರಮ ಸಾಗಣೆ ನಡೆದಿದೆ' ಎಂದು ಅಬಕಾರಿ ಇಲಾಖೆ ಹೆಚ್ಚುವರಿ ಆಯುಕ್ತ ವೈ.ಮಂಜುನಾಥ ಸೋಮವಾರ ಸುದ್ದಿಗಾರರಿಗೆ ತಿಳಿಸಿದರು.


