ನವದೆಹಲಿ: ಒಂದೆಡೆ ರಾಜ್ಯದಲ್ಲಿ ನಂದಿನಿ ಹಾಲಿನ ಉತ್ಪನ್ನಗಳ ಬೆಲೆ ಏರಿಕೆಯಾಗಿದ್ದರೆ, ಮತ್ತೊಂದೆಡೆ ಹಬ್ಬದ ಸೀಸನ್ ಹಾಗೂ ದೀಪಾವಳಿಗೆ ದಿನಗಣನೆ ಆರಂಭವಾಗಿರುವಾಗಲೇ ದೇಶದ ಜನತೆಗೆ ಬೆಲೆ ಏರಿಕೆಯ ಬಿಸಿ ತಟ್ಟಿದೆ.
ದೇಶದ ಪ್ರಮುಖ ತೈಲ ಮಾರುಕಟ್ಟೆ ಕಂಪನಿಗಳು ಎಲ್‌ಪಿಜಿ ಗ್ಯಾಸ್ ಸಿಲಿಂಡರ್ ಬೆಲೆಯನ್ನು ಪರಿಷ್ಕರಿಸಿದ್ದು, ವಾಣಿಜ್ಯ ಬಳಕೆಯ ಸಿಲಿಂಡರ್‌ಗಳ ದರವನ್ನು ಹೆಚ್ಚಿಸಿ ಆದೇಶ ಹೊರಡಿಸಿವೆ.
ವಾಣಿಜ್ಯ ಬಳಕೆಯ ಗ್ಯಾಸ್ ಸಿಲಿಂಡರ್ ಬೆಲೆ ಏರಿಕೆಯಾಗಿರುವುದರಿಂದ ಹೋಟೆಲ್, ರೆಸ್ಟೋರೆಂಟ್‌ಗಳು, ಕ್ಯಾಂಟೀನ್ ಹಾಗೂ ಇತರೆ ಸಣ್ಣ-ಪರಿಣಾಮಕಾರಿ ವ್ಯಾಪಾರ ನಡೆಸುವ ವಾಣಿಜ್ಯೋದ್ಯಮಿಗಳಿಗೆ ನಷ್ಟದ ಬಿಸಿ ತಟ್ಟಲಿದೆ. ದೆಹಲಿಯಿಂದ ಹಿಡಿದು ಬಿಹಾರದ ಪಾಟ್ನಾವರೆಗೆ ಪ್ರಮುಖ ನಗರಗಳಲ್ಲಿ ಈ ಬೆಲೆ ಏರಿಕೆ ಅನ್ವಯವಾಗಿದ್ದು, ಹಬ್ಬದ ಸಮಯದಲ್ಲಿ ಹೊರಗಿನ ತಿಂಡಿ-ತಿನಿಸುಗಳು ಹಾಗೂ ಆಹಾರ ಪದಾರ್ಥಗಳ ಬೆಲೆ ಕೂಡ ಏರಿಕೆಯಾಗುವ ಸಾಧ್ಯತೆಯಿದೆ.
ರಾಜಧಾನಿ ದೆಹಲಿಯಲ್ಲಿ 19 ಕೆಜಿ ತೂಕದ ವಾಣಿಜ್ಯ ಬಳಕೆಯ ಗ್ಯಾಸ್ ಸಿಲಿಂಡರ್ ಬೆಲೆಯು ಈ ಹಿಂದೆ ಇದ್ದ 2,810 ರೂಪಾಯಿಯಿಂದ ಈಗ 2,820 ರೂಪಾಯಿಗೆ ತಲುಪಿದೆ.
ಇನ್ನುಳಿದಂತೆ ಚೆನ್ನೈನಲ್ಲಿ ವಾಣಿಜ್ಯ ಸಿಲಿಂಡರ್ ಬೆಲೆ 2,994.50 ರೂ., ಮುಂಬೈನಲ್ಲಿ 2,764 ರೂ. ಹಾಗೂ ಅಹಮದಾಬಾದ್‌ನಲ್ಲಿ 10.50 ರೂ. ಹೆಚ್ಚಾಗಿ 2,842 ರೂ.ಗೆ ಏರಿಕೆಯಾಗಿದೆ.
ಲಕ್ನೋದಲ್ಲಿ 2,942 ರೂ., ಮೇಘಾಲಯದ ಶಿಲ್ಲಾಂಗ್‌ನಲ್ಲಿ 3,091 ರೂ. ಮತ್ತು ಬಿಹಾರದ ಪಾಟ್ನಾದಲ್ಲಿ ಗರಿಷ್ಠ ಮಟ್ಟದ 3,132 ರೂಪಾಯಿಗೆ ತಲುಪಿದೆ.
