ಅವಕಾಶ ಕಡಿಮೆಯಾದರೇ ಮಲಗಬೇಕು : ನಟಿ ಚಿತ್ರಾಂಗದಾ 

ಮುಂಬೈ : ಬಾಲಿವುಡ್​​​​​​ನ ಹಾಟ್ ಬ್ಯೂಟಿ, ನಟಿ ಚಿತ್ರಾಂಗದಾ  ಸಿಂಗ್ ಅವರು ಕಾಸ್ಟಿಂಗ್ ಕೌಚ್ ವಿಚಾರವಾಗಿ ಶಾಕಿಂಗ್ ಹೇಳಿಕೆ ನೀಡಿದ್ದಾರೆ.

'ಅವರು ಹೇಳಿದಂತೆ ಕೋಣೆಗೆ ಬರದಿದ್ದರೆ, ಅವರು ಸುಳ್ಳು ಪ್ರಚಾರವನ್ನು ಹರಡುತ್ತಾರೆ.ಅವಕಾಶ ಸಿಕ್ಕ ನಂತರವೂ, ಕೋಣೆಗೆ ಬರಲಿಲ್ಲ ಎಂಬ ಕಾರಣಕ್ಕಾಗಿ ಚಲನಚಿತ್ರಗಳಿಂದ ತೆಗೆದುಹಾಕಲಾಗುತ್ತದೆ.

ಸಾಮಾನ್ಯವಾಗಿ, ಅವರು ಹೇಳಿದಂತೆ ಮಾಡದಿದ್ದರೆ, ನಾಯಕಿಯ ವೃತ್ತಿಜೀವನವನ್ನು ಕೊನೆಗೊಳಿಸಲು ಹೇಸುವುದಿಲ್ಲ' ಎಂದು ಇತ್ತೀಚೆಗೆ ನಟಿ ರಿಚಾ ಚಡ್ಡಾ ಹೇಳಿದ್ದರು. ಇದೀಗ ಮತ್ತೋರ್ವ ನಟಿ ಚಿತ್ರಾಂಗದಾ ಸ್ಫೋಟಕ ಹೇಳಿಕೆ ಕೊಟ್ಟಿದ್ದಾರೆ.

ಕಾಸ್ಟಿಂಗ್ ಕೌಚ್ ಎನ್ನುವುದು ಈಗ ರಹಸ್ಯಮಯ ಪದವಾಗಿ ಏನೂ ಉಳಿದಿಲ್ಲ. ಬಣ್ಣದ ಜಗತ್ತಿನಲ್ಲಿ ಪ್ರತಿಭೆಗಳಿಗೆ ಸದಾ ವೇದಿಕೆ ಲಭಿಸಿಯೇ ಲಭಿಸುತ್ತದೆ ಎಂಬ ಮಾತುಗಳ ನಡುವೆಯೇ ನಟಿಯರಾದವರು ನಿರ್ದೇಶಕ, ನಿರ್ಮಾಪಕರಿಗೆ ಬೇಕಾದ ಹಾಗೆ ಸಹಕರಿಸಿದಾಗ ಮಾತ್ರವೇ ಅವಕಾಶ ದೊರೆಯುತ್ತದೆ ಎಂಬ ಮಾತುಗಳನ್ನಾಡುವವರ ಸಂಖ್ಯೆ ಏನೂ ಕಮ್ಮಿ ಇಲ್ಲ.

ಹಿಂದೆ ಈ ಬಗ್ಗೆ ಅಂದರೆ ಕಾಸ್ಟಿಂಗ್ ಕೌಚ್ ಬಗ್ಗೆ ಅನೇಕ ಘಟನೆಗಳು ಚಿತ್ರರಂಗವಿರಲಿ ಅಥವಾ ಟಿವಿ ಧಾರಾವಾಹಿ ಕ್ಷೇತ್ರವಿರಲಿ ಸಾಕಷ್ಟು ಕೇಳಿಬಂದಿವೆ. ಹಲವರು ಈ ಬಗ್ಗೆ ಮುಕ್ತವಾಗಿ ಮಾತನಾಡಿ ವಿರೋಧಿಸಿದರೆ ಇನ್ನು ಕೆಲವರು ತುಟಿ ಪಿಟಕ್ ಸಹ ಅಂದಿಲ್ಲ.

ವೃತ್ತಿಜೀವನದ ಆರಂಭದಲ್ಲಿ ಚಿತ್ರರಂಗದಲ್ಲಿ ನಾಯಕಿಯಾಗಿ ಯಶಸ್ವಿಯಾಗಲು, ಅವರು ಅನೇಕ ತೊಂದರೆಗಳನ್ನು ಎದುರಿಸಬೇಕಾಗುತ್ತದೆ ಎಂದು ಹೇಳಲಾಗುತ್ತದೆ.

ಕೆಲವರು ತಮ್ಮ ಕಹಿ ಅನುಭವಗಳನ್ನು ಮತ್ತು ಅವುಗಳಿಗೆ ಕಾರಣರಾದ ಜನರನ್ನು ಬಹಿರಂಗವಾಗಿ ಬಹಿರಂಗಪಡಿಸಿದ್ದಾರೆ. ಕಳೆದ ವರ್ಷ, ಅನೇಕ ಚಲನಚಿತ್ರ ಸೆಲೆಬ್ರಿಟಿಗಳು ಮಾಧ್ಯಮಗಳಲ್ಲಿ ಬಿಸಿ ವಿಷಯವಾದರು, ಆಫರ್‌ಗಳು ಕಡಿಮೆಯಾದರೆ ಮಲಗಬಾರದು ಎಂದು ಹೇಳಿದ್ದರು.

'ಯಾವುದೇ ಬಲವಂತವಿಲ್ಲ

ಆದರೆ, ಬಾಲಿವುಡ್ ಹಾಟ್ ಬ್ಯೂಟಿ ಚಿತ್ರಾಂಗದಾ ಸಿಂಗ್, ಕಾಸ್ಟಿಂಗ್ ಕೌಚ್​ನಲ್ಲಿ ಯಾವುದೇ ಬಲವಂತವಿಲ್ಲ. ಅದನ್ನು ಸ್ವೀಕರಿಸಬೇಕಾ ಅಥವಾ ಬೇಡವೇ ಎಂಬುದು ನಟಿಯರ ನಿರ್ಧಾರದ ಮೇಲೆ ನಿಂತಿರುತ್ತದೆ ಎಂದು ವಿವರಿಸಿದ್ದಾರೆ.

'ನನಗೂ ಕೆಲವೊಮ್ಮೆ ಅಂತಹ ಅನುಭವಗಳು ಎದುರಾಗಿವೆ ಆದರೆ ಅವುಗಳನ್ನು ತಿರಸ್ಕರಿಸಿದ್ದೇನೆ. ಸಾಮಾನ್ಯವಾಗಿ ಯಾರಾದರೂ ಲೈಂಗಿಕ ಕೊಡುಗೆಗೆ ಒಪ್ಪಿಕೊಂಡಾಗ, ಅದು ಅವರ ಸ್ವಂತ ನಿರ್ಧಾರ. ಯಾರೂ ಅವರ ನಿರ್ಧಾರವನ್ನು ನಿರ್ಣಯಿಸುವುದಿಲ್ಲ' ಎಂದು ಚಿತ್ರಂಗದಾ ಸಿಂಗ್ ತಿಳಿಸಿದ್ದಾರೆ.

'ಅವರು ಇಷ್ಟಪಟ್ಟರೆ ಮಾತ್ರ ಕಾಸ್ಟಿಂಗ್ ಕೌಚ್‌ಗೆ ಒಪ್ಪಿಕೊಳ್ಳಬಹುದು. ಚಿತ್ರರಂಗದಲ್ಲಿ ಮಾತ್ರವಲ್ಲ. ಇತ್ತೀಚಿನ ದಿನಗಳಲ್ಲಿ ಬಹುತೇಕ ಎಲ್ಲೆಡೆ, ಲೈಂಗಿಕ ಕೊಡುಗೆಯನ್ನು ಕೇಳುವ ಜನರಿದ್ದಾರೆ.

ಸರಿಯಾದ ನಿರ್ಧಾರವು ನಿಮ್ಮ ಕೈಯಲ್ಲಿದೆ. ಇಲ್ಲಿ ಯಾರೂ ಯಾರನ್ನೂ ಒತ್ತಾಯಿಸುವುದಿಲ್ಲ' ಎಂದು ಚಿತ್ರಂಗದಾ ಒತ್ತಿ ಹೇಳಿದ್ದಾರೆ.

ಸಲ್ಮಾನ್ ಖಾನ್​ಗೆ ಚಿತ್ರಂಗದಾ ಹೀರೋಯಿನ್

ಸಲ್ಮಾನ್ ಖಾನ್ 'ಬ್ಯಾಟಲ್ ಆಫ್ ಗಾಲ್ವಾನ್​' ಸಿನಿಮಾ ಮಾಡುತ್ತಿದ್ದಾರೆ. ಈ ಚಿತ್ರ ನೈಜ ಘಟನೆಯನ್ನು ಆಧರಿಸಿದೆ. 2020ರಲ್ಲಿ ಭಾರತ ಮತ್ತು ಚೀನಾದ ಮಧ್ಯೆ ಗಾಲ್ವಾನ್​ ಕಣಿವೆಯಲ್ಲಿ ನಡೆದ ಘರ್ಷಣೆಯನ್ನು ಈ ಸಿನಿಮಾ ಹೊಂದಿದೆ. ಈ ಚಿತ್ರದಲ್ಲಿ ಸಲ್ಮಾನ್ ಖಾನ್ ಕರ್ನಲ್ ಬಿಕ್ಕುಮಲ್ಲ ಸಂತೋಷ್ ಬಾಬು ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ನೈಜ ಘಟನೆಯ ಸಿನಿಮಾ ಮಾಡುವಾಗ ಸಾಕಷ್ಟು ಎಚ್ಚರಿಕೆ ಬೇಕು. ಆ ರಿಸ್ಕ್​ನ ಸಲ್ಮಾನ್ ಖಾನ್ ತೆಗೆದುಕೊಳ್ಳುತ್ತಿದ್ದಾರೆ. ಜೂನ್ 2020ರಲ್ಲಿ ಭಾರತ ಹಾಗೂ ಚೀನಾ ಸೈನಿಕರು ಹೊಡೆದಾಡಿಕೊಂಡಿದ್ದರು. ಇದೇ ವಿಚಾರ ಇಟ್ಟುಕೊಂಡು ಸಲ್ಲು ಸಿನಿಮಾ ಮಾಡುತ್ತಿದ್ದಾರೆ. ಈ ಚಿತ್ರದಲ್ಲಿ ಚಿತ್ರಂಗದಾ ಸಿಂಗ್ ನಾಯಕಿಯಾಗಿ ನಟಿಸುತ್ತಿದ್ದಾರೆ.