ಬೆಂಗಳೂರು: ಅಡುಗೆ ಮನೆಯಲ್ಲಿ ಪ್ರತಿದಿನ ಬಳಕೆಯಾಗುವ ಉಪ್ಪಿನ (Salt) ಹೆಸರಿನಲ್ಲೇ ನಕಲಿ (Fake Product) ಉತ್ಪನ್ನ ಮಾರಾಟವಾಗುತ್ತಿರುವುದು ಬೆಳಕಿಗೆ (Shocking) ಬಂದಿದೆ.
ಪ್ರಸಿದ್ಧ ಟಾಟಾ (Tata) ಸಾಲ್ಟ್ ಬ್ರ್ಯಾಂಡ್ನ ಪ್ಯಾಕೆಟ್ಗಳನ್ನು ಹೋಲುವಂತೆ ನಕಲಿ ಪೊಟ್ಟಣಗಳನ್ನು ಸಿದ್ಧಪಡಿಸಿ, ಅವುಗಳಲ್ಲಿ ಕಳಪೆ ಉಪ್ಪು ತುಂಬಿ ಮಾರಾಟ ಮಾಡುತ್ತಿದ್ದ ಜಾಲವೊಂದು ಮಧ್ಯಪ್ರದೇಶದ ಇಂದೋರ್ನಲ್ಲಿ ಪತ್ತೆಯಾಗಿದೆ.
ಅಧಿಕಾರಿಗಳು ನಡೆಸಿದ ದಾಳಿಯಲ್ಲಿ 840 ಪ್ಯಾಕೆಟ್ ನಕಲಿ ಟಾಟಾ ಸಾಲ್ಟ್ ಮತ್ತು ಸುಮಾರು 1,850 ಕೆಜಿ ಸಡಿಲ ಉಪ್ಪನ್ನು ವಶಪಡಿಸಿಕೊಳ್ಳಲಾಗಿದೆ. ನಕಲಿ ಉಪ್ಪನ್ನು ಅಸಲಿ ಉತ್ಪನ್ನದಂತೆ ಕಾಣುವ ಪ್ಯಾಕೆಟ್ಗಳಲ್ಲಿ ತುಂಬಲಾಗುತ್ತಿತ್ತು. ಬ್ರ್ಯಾಂಡ್ನ ಹೆಸರು ಮತ್ತು ಪ್ಯಾಕೆಟ್ ವಿನ್ಯಾಸವನ್ನು ಹೋಲುವಂತೆ ಸಿದ್ಧಪಡಿಸಿದ್ದರಿಂದ ಗ್ರಾಹಕರಿಗೆ ವ್ಯತ್ಯಾಸ ಗುರುತಿಸುವುದು ಕಷ್ಟವಾಗುವ ಸಾಧ್ಯತೆಯಿತ್ತು.
ಆರೋಗ್ಯದ ಮೇಲೂ ಪರಿಣಾಮ ಬೀರುವ ಆತಂಕ
ಉಪ್ಪು ಪ್ರತಿಯೊಬ್ಬರ ದೈನಂದಿನ ಆಹಾರದ ಭಾಗವಾಗಿದೆ. ದೇಹಕ್ಕೆ ಅಗತ್ಯವಾದ ಅಯೋಡಿನ್ ಪೂರೈಸುವ ಉದ್ದೇಶದಿಂದ ಅಯೋಡಿಕರಿಸಿದ ಉಪ್ಪನ್ನು ಬಳಸಲಾಗುತ್ತದೆ.
ಆದರೆ ಗುಣಮಟ್ಟ ಖಚಿತವಿಲ್ಲದ ಉಪ್ಪಿನ ಸೇವನೆಯಿಂದ ಆರೋಗ್ಯದ ಮೇಲೆ ಪರಿಣಾಮ ಉಂಟಾಗುವ ಆತಂಕವಿದೆ. ವಶಪಡಿಸಿಕೊಂಡ ಉಪ್ಪಿನಲ್ಲಿರುವ ಅಂಶಗಳ ಕುರಿತು ಅಧಿಕೃತ ಪರೀಕ್ಷೆಯ ವಿವರಗಳು ಲಭ್ಯವಿಲ್ಲದ ಕಾರಣ, ಅದನ್ನು ವಿಷಕಾರಿ ಎಂದು ಖಚಿತಪಡಿಸುವುದು ಸರಿಯಲ್ಲ.
