ರಾಜಕೀಯದಲ್ಲಿ ಮುಂದೆ ಬರಲು ಮಗಳ ನಿರಂತರ ಲೈಂಗಿಕ ದೌರ್ಜನ್ಯಕ್ಕೆ ಸಾಥ್

ಹರಿದ್ವಾರ: ಉತ್ತರಾಖಂಡದ ಹರಿದ್ವಾರದಲ್ಲಿ ಬಿಜೆಪಿ ನಾಯಕಿಯೊಬ್ಬಳು ತನ್ನ ಬಾಯ್ ಫ್ರೆಂಡ್ ಮತ್ತು ಆತನ ಸ್ನೇಹಿತನಿಂದ ಸ್ವಂತ ಮಗಳ ಮೇಲೆ ಅತ್ಯಾಚಾರ ಮಾಡಿಸಿದ್ದಾಳೆ.

ಹರಿದ್ವಾರದ ಬಿಜೆಪಿ ಮಹಿಳಾ ಮೋರ್ಚಾ ಮಾಜಿ ಅಧ್ಯಕ್ಷೆ ಅನಾಮಿಕ ಶರ್ಮಾ ತನ್ನ 13 ವರ್ಷದ ಪುತ್ರಿಯ ಮೇಲೆ ಅತ್ಯಾಚಾರ ಮಾಡಿಸಿದ ಆರೋಪಿಯಾಗಿದ್ದು, ಘಟನೆಗೆ ಸಂಬಂಧಿಸಿದಂತೆ ಆನಾಮಿಕಾ ಶರ್ಮಾ, ಆಕೆಯ ಬಾಯ್ ಫ್ರೆಂಡ್ ಸುಮಿತ್ ಪತ್ವಾಲ್ ಮತ್ತು ಆತನ ಸ್ನೇಹಿತ ಶುಭಂ ನನ್ನು ಪೊಲೀಸರು ಬಂಧಿಸಿದ್ದಾರೆ.

ಅನಾಮಿಕ ಶರ್ಮಾ ಬಿಜೆಪಿ ಮಹಿಳಾ ಮೋರ್ಚಾ ಅಧ್ಯಕ್ಷರಾಗಿ 2024ರ ವರೆಗೆ ಕಾರ್ಯನಿರ್ವಹಿಸಿದ್ದು, ನಂತರ ಸದಸ್ಯರಾಗಿದ್ದರು. ಪತಿಯಿಂದ ದೂರವಾಗಿದ್ದರು. ಅವರ ಮಗಳು ತಂದೆಯೊಂದಿಗೆ ಉಳಿದುಕೊಂಡಿದ್ದಳು. ಆಗಾಗ ತಾಯಿಯ ಬಳಿ ಬರುತ್ತಿದ್ದಳು.

ಸುಮಿತ್ ನ ಹೋಟೆಲ್ ನಲ್ಲಿ ಆನಾಮಿಕಾ ಉಳಿದುಕೊಂಡಿದ್ದಳು. ಜನವರಿಯಿಂದ ಮಾರ್ಚ್ ವೇಳೆ ಹರಿದ್ವಾರ, ಬೃಂದಾವನ, ಆಗ್ರಾದಲ್ಲಿ ಅನೇಕ ಬಾರಿ ತನ್ನ ಪುತ್ರಿಯ ಮೇಲೆ ಸ್ನೇಹಿತ ಸುಮಿತ್ ಮತ್ತು ಆತನ ಸ್ನೇಹಿತರ ಶುಭಂ ನಿಂದ ಅತ್ಯಾಚಾರ ಮಾಡಿಸಿದ್ದಳು. ಇದನ್ನು ತಂದೆಗೆ ಹೇಳದಂತೆ ಬೆದರಿಕೆ ಹಾಕಿದ್ದಳು.

ಅಪ್ರಾಪ್ತೆ ತನ್ನ ತಂದೆಗೆ ಮಾಹಿತಿ ನೀಡಿದ್ದು, ಅವರು ದೂರು ನೀಡಿದ ಅನ್ವಯ ಪೋಕ್ಸೋ ಕಾಯ್ದೆ ಸೇರಿದಂತೆ ವಿವಿಧ ಸೆಕ್ಷನ್ ಗಳಡಿ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಮೂವರನ್ನು ಬಂಧಿಸಿದ್ದಾರೆ.

ಪೊಲೀಸರ ಪ್ರಕಾರ, ಕೆಲವು ತಿಂಗಳ ಹಿಂದೆ ಪತಿಯಿಂದ ದೂರವಿದ್ದ ಮಹಿಳೆ, ಇಬ್ಬರು ಪುರುಷರು ಬಾಲಕಿ ಮೇಲೆ ಅತ್ಯಾಚಾರ ಎಸಗುವಂತೆ, ತನ್ನ ಮಗಳಿಗೆ ಮದ್ಯ ಸೇವಿಸುವಂತೆ ಒತ್ತಾಯಿಸಿದ್ದಾರೆ.

ಸಂಬಂಧಪಟ್ಟ ಪೊಲೀಸ್ ಠಾಣೆಯ SHO ಮಾತನಾಡಿ, ಜನವರಿಯಲ್ಲಿ ಮೊದಲ ಸಾಮೂಹಿಕ ಅತ್ಯಾಚಾರ ಘಟನೆ ವರದಿಯಾಗಿತ್ತು, ಹುಡುಗಿಯ ಮೇಲೆ ಆಕೆಯ ತಾಯಿ ಕಾರ್ ನಲ್ಲಿದ್ದಾಗ ಅತ್ಯಾಚಾರ ಮಾಡಲಾಯಿತು.

ಮೂವರು ಆರೋಪಿಗಳು ಬಲಿಪಶು ಮತ್ತು ಆಕೆಯ ತಾಯಿಯನ್ನು ಆಗ್ರಾ ಮತ್ತು ವೃಂದಾವನಕ್ಕೆ ಕರೆದೊಯ್ಯುವವರೆಗೂ ಇದು ಮುಂದುವರೆಯಿತು.

ಹುಡುಗಿಯ ಮೇಲೆ ಸುಮಾರು ಎಂಟು ಬಾರಿ ಸಾಮೂಹಿಕ ಅತ್ಯಾಚಾರ ನಡೆದಿತ್ತು, ಮತ್ತು ಪುನರಾವರ್ತಿತ ಹಲ್ಲೆಗಳ ಸಮಯದಲ್ಲಿ ಅವಳು ಯಾವಾಗಲೂ ತನ್ನ ತಾಯಿಯೊಂದಿಗೆ ಇದ್ದಳು ಎಂದು ಅಧಿಕಾರಿ ಹೇಳಿದರು.

ತಿಂಗಳ ಕಾಲ ನಿರಂತರ ದಾಳಿ ಮತ್ತು ನೋವಿನಿಂದ ಬಳಲಿದ ಬಾಲಕಿ ತನ್ನ ತಂದೆಗೆ ಹಿಂಸಾತ್ಮಕ ಲೈಂಗಿಕ ದೌರ್ಜನ್ಯಕ್ಕೊಳಗಾಗಿರುವುದಾಗಿ ತಿಳಿಸಿದಳು. ಅವರು ಮಂಗಳವಾರ ದೂರು ದಾಖಲಿಸಿದ್ದು, ಆರಂಭಿಕ ವಿಚಾರಣೆಯ ನಂತರ, ಬುಧವಾರ ಬಿಎನ್‌ಎಸ್ ಸೆಕ್ಷನ್ 70 (2) (ಸಾಮೂಹಿಕ ಅತ್ಯಾಚಾರ), 351 (3) (ಕ್ರಿಮಿನಲ್ ಬೆದರಿಕೆ), 3(5) (ಸಾಮಾನ್ಯ ಉದ್ದೇಶವನ್ನು ಮುಂದಿಟ್ಟುಕೊಂಡು ಹಲವಾರು ವ್ಯಕ್ತಿಗಳಿಂದ ಕ್ರಿಮಿನಲ್ ಕೃತ್ಯ) ಮತ್ತು ಪೋಸ್ಕೋ ಕಾಯ್ದೆಯ ಅನ್ವಯವಾಗುವ ಸೆಕ್ಷನ್‌ಗಳ ಅಡಿಯಲ್ಲಿ ಮೂವರು ಆರೋಪಿಗಳ ವಿರುದ್ಧ ಎಫ್‌ಐಆರ್ ದಾಖಲಿಸಲಾಗಿದೆ.

ಹರಿದ್ವಾರ ಎಸ್‌ಎಸ್‌ಪಿ ಪ್ರಮೇಂದ್ರ ದೋಬಾಲ್ ಮಾತನಾಡಿ, ಹುಡುಗಿಯ ವೈದ್ಯಕೀಯ ಪರೀಕ್ಷೆಯಲ್ಲಿ ಲೈಂಗಿಕ ದೌರ್ಜನ್ಯ ದೃಢಪಟ್ಟಿದೆ, ನಂತರ ಮಹಿಳೆ ಮತ್ತು ಆಕೆಯ ಗೆಳೆಯನನ್ನು ಬಂಧಿಸಲಾಗಿದೆ.

ಹುಡುಗಿಯ ತಾಯಿ ಜೀವನದಲ್ಲಿ ಮುಂದುವರಿಯುವ ಸಾಮಾನ್ಯ ಭಾಗ ಎಂದು ಹೇಳುವ ಮೂಲಕ ಪುರುಷರೊಂದಿಗೆ ದೈಹಿಕ ಸಂಬಂಧ ಹೊಂದಲು ಒತ್ತಾಯಿಸಿದ್ದಾಳೆ. ಬಾಲಕಿ ಹೇಳಿಕೆಯನ್ನು ಮ್ಯಾಜಿಸ್ಟ್ರೇಟ್ ಮುಂದೆ ದಾಖಲಿಸಲಾಗಿದೆ ಎಂದು ತಿಳಿಸಿದ್ದಾರೆ.