ಮಾನ್ವಿ: ತಾಲೂಕಿನ ಕರೇಗುಡ್ದ ಗ್ರಾಮದಲ್ಲಿನ ಶ್ರೀ ಮಹಾಂತೇಶ್ವರಮಠದಲ್ಲಿ ಪ್ರತಿ ವರ್ಷದಂತೆ ನಡೆಯುವ ದಸರಾ ಮಹೋತ್ಸವದ ಅಂಗವಾಗಿ ಶ್ರೀದೇವಿ ಪುರಾಣ ಕಾರ್ಯಕ್ರಮವನ್ನು ಅ.11 ರಂದು ಬೆಳಿಗ್ಗೆ 9ಕ್ಕೆ ಶ್ರೀ ಮಠದ ಶ್ರೀ ಮಹಾಂತಲಿಂಗ ಶಿವಾಚಾರ್ಯ ಮಹಾಸ್ವಾಮಿಗಳು ಷಟಸ್ಥಲ ಧ್ವಜರೋಹಣ ನೆರವೇರಿಸುವ ಮೂಲಕ ಚಾಲನೆ ನೀಡಲ್ಲಿದ್ದಾರೆ.ಅ.14 ರಂದು ಶ್ರೀಮಠದ ಲಿಂ.ಮಹಾಂತಪ್ಪ ತಾತನವರ ಪುಣ್ಯಾರಾಧನೆ, ಅ.11 ರಿಂದ ಅ.23 ರವರೆಗೆ ಸಂಜೆ 7-30ರಿಂದ 9-30 ರವರೆಗೆ ನಂದವಾಡಿಗಿ ಮಹಾಂತೇಶ ಶಾಸ್ತ್ರೀಗಳು ಸರಗಣಚಾರಿ ರವರಿಂದ ಶ್ರೀದೇವಿ ಪುರಾಣ ನಡೆಯಲಿದೆ. ಅ.23 ರಂದು ಶ್ರೀ ದೇವಿ ಪುರಾಣದ ಜೀವನಮುಕ್ತಿಯೊಂದಿಗೆ ಮಹಾಮಂಗಲ ಹಾಗೂ ಸಂಜೆ 5 ಕ್ಕೆ ಶ್ರೀಮಠದ ಅವರಣದಲ್ಲಿ ಸುಮಂಗಲಿಯರಿಂದ ಶ್ರೀದೇವಿಯ ಮಹಾರಥೋತ್ಸವ ಹಾಗೂ ನ.27 ರಂದು ಸಂಜೆ 5ಕ್ಕೆ ಶ್ರೀ ಲಿಂ.ಮಹಾಂತಲಿಂಗ ಶಿವಾಚಾರ್ಯ ಮಹಾಸ್ವಾಮಿಗಳ ರಥೋತ್ಸವ ನಡೆಯಲಿದ್ದು ಒಳಬಳ್ಳಾರಿ ಸುವರ್ಣಗಿರಿ ಮಠದ ಶ್ರೀ ಡಾ.ಸಿದ್ದಲಿಂಗ ಮಹಾಸ್ವಾಮಿಗಳು,ಕೊಟ್ಟೂರು ಸಂಸ್ಥಾನಮಠದ ಜಗದ್ಗುರು ಶ್ರೀ ಕೊಟ್ಟುರು ಬಸವಲಿಂಗ ಮಹಾಸ್ವಾಮಿಗಳು, ಶ್ರೀ ಮಹಾಂತಲಿಂಗ ಶಿವಾಚಾರ್ಯ ಮಹಾಸ್ವಾಮಿಗಳು,ಶ್ರೀ ಬೂದಿಬಸವ ಶಿವಾಚಾರ್ಯ ಮಹಾಸ್ವಾಮಿಗಳು ಸೇರಿದಂತೆ ರಾಜ್ಯದ ಸಚಿವರು.ಜನಪ್ರತಿನಿಧಿಗಳುಗಣ್ಯರು ಹಾಗೂ ಸುತ್ತ ಮುತ್ತಗ್ರಾಮಗಳ ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಲಿದ್ದಾರೆ ಎಂದು ಕರೇಗುಡ್ದ ಶ್ರೀ ಮಹಾಂತೇಶ್ವರಮಠದ ಶ್ರೀ ಮಹಾಂತಲಿಂಗ ಶಿವಾಚಾರ್ಯ ಮಹಾಸ್ವಾಮಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ವರದಿ :ಆಂಜನೇಯ ನಸಲಾಪುರ
