ಬಾಗಲಕೋಟೆ : ನವರಾತ್ರಿ ದುರ್ಗಾ ಪೂಜೆ ವಿಚಾರಕ್ಕೆ ಕಿರಿಕ್ ಆಗಿ ಚಾಕು ಇರಿದು ಯುವಕನನ್ನು ಕೊಲೆ ಮಾಡಲಾಗಿದೆ ಬಾಗಲಕೋಟೆ ಜಿಲ್ಲೆಯ ಮುಧೋಳ ಪಟ್ಟಣದ ವಿನಾಯಕ ನಗರದಲ್ಲಿ ಈ ಒಂದು ಘಟನೆ ನಡೆದಿದ್ದು, ಶ್ರೀನಿವಾಸ ಕದರಿ ಎಂಬವನು ನಿತಿನ್ ನಿಂಬಾಳ್ಕರ್ (25) ಎಂಬ ಯುವಕನನ್ನ ಚಾಕು ಇರಿದು ಕೊಲೆ ಮಾಡಿದ್ದಾನೆ.
ದಸರಾ ಪ್ರಯುಕ್ತ ದಾಂಡಿಯ ನೃತ್ಯ ಬಳಿಕ ದುರ್ಗಾ ಪೂಜೆ ನಡೆಯುತ್ತಿತ್ತು ಈ ವೇಳೆ ಮದ್ಯದ ಅಮಲಿನಲ್ಲಿ ಬಂದ ಶ್ರೀನಿವಾಸ್ ನಿತೀನ್ ಗೆ ಸರಿಯಾಗಿ ಪೂಜೆ ಮಾಡು ಅಂತ ಹೇಳಿದ್ದಾನೆ.
ಈ ವೇಳೆ ಜಗಳ ನಡೆದು ಪೂಜೆ ಮಾಡುತ್ತಿದ್ದ ನಿತಿನ್ ಶ್ರೀನಿವಾಸ್ ಗೆ ಹೊಡೆದು ಕಳುಹಿಸಿದ್ದಾನೆ ಬಳಿಕ ಶ್ರೀನಿವಾಸ್ ತನ್ನ ಸ್ನೇಹಿತರ ಜೊತೆಗೆ ಬಂದು ಮತ್ತೆ ಗಲಾಟೆ ಮಾಡಿದ್ದಾನೆ.
ಈ ವೇಳೆ ಚಾಕು ಇರಿದು ಕೊಲೆ ಮಾಡಿದ್ದಾನೆ. ನಿತಿನ್ ಸ್ಥಳದಲ್ಲಿ ಸಾವನಪ್ಪಿದ್ದು ಸಂಜು ಎಂಬವನಿಗೆ ಗಾಯವಾಗಿದ್ದು ಆಸ್ಪತ್ರೆಗೆ ದಾಖಲಿಸಲಾಗಿದೆ.ಮುಧೋಳ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ.
