ಮಗು ಹುಟ್ಟಿದ ತಕ್ಷಣ ಅಳುತ್ತೆ, ಕೈಕಾಲು ಆಡಿಸುತ್ತೆ ಅಂತ ನಾವು ಅಂದುಕೊಂಡಿರ್ತೀವಿ. ಆದ್ರೆ ಈಜಿಪ್ಟ್‌ನಲ್ಲಿ ಹುಟ್ಟಿರೋ ಈ ಪುಟಾಣಿ ಮಾತ್ರ ಫುಲ್ ಕೂಲ್ ಆಗಿ ಮಲಗಿರೋ ವಿಡಿಯೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ. ಇದನ್ನ ನೋಡಿದ ನೆಟ್ಟಿಗರು, 'ಮಗು ಈಗಾಗಲೇ ಜೀವನದ ಗುಟ್ಟು ಕಂಡುಕೊಂಡಿದೆ' ಅಂತ ತಮಾಷೆ ಮಾಡುತ್ತಿದ್ದಾರೆ.
ಕೈರೋ ನಗರದ ಮಕ್ಕಳ ತಜ್ಞ ಹಾಗೂ ನವಜಾತ ಶಿಶುಗಳ ವೈದ್ಯರಾದ ಡಾ. ಇಸ್ಲಾಂ ಎಲ್ದೆಹ್ ಅವರು ಈ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಹೆರಿಗೆ ನಂತರದ ವೈದ್ಯಕೀಯ ಪ್ರಕ್ರಿಯೆಯ ಬಳಿಕ ರೆಕಾರ್ಡ್ ಮಾಡಲಾದ ಈ ವಿಡಿಯೋದಲ್ಲಿ ಮಗು ಆರಾಮವಾಗಿ ಮಲಗಿರೋದು ಕಾಣಿಸುತ್ತೆ.
ಅದರ ನಿರಾಳ ಭಂಗಿ ಮತ್ತು ಮುಖದ ಮೇಲಿನ ಶಾಂತ ಭಾವ ನೋಡಿದ್ರೆ, ಜಗತ್ತಿಗೆ ಈಗಷ್ಟೇ ಬಂದಿದ್ರೂ ಯಾವುದಕ್ಕೂ ಟೆನ್ಷನ್ ತಗೋತಿಲ್ಲ ಅನ್ನೋ ತರ ಕಾಣಿಸುತ್ತೆ.
ಮಗುವಿನ ಕೂಲ್ ಸ್ಟೈಲ್‌ಗೆ ನೆಟ್ಟಿಗರು ಫಿದಾ
ಸಾಮಾನ್ಯವಾಗಿ ನವಜಾತ ಶಿಶುಗಳು ಅಳೋದು, ಕೈಕಾಲು ಆಡಿಸೋದು ಕಾಣಿಸುತ್ತೆ. ಆದ್ರೆ ಈ ಪುಟಾಣಿ ಮಾತ್ರ ಆರಾಮಾಗಿ ಮಲಗಿರೋ ರೀತಿ ಎಲ್ಲರ ಗಮನ ಸೆಳೆದಿದೆ. ವಿಡಿಯೋ ನೋಡಿದವರು ಮಗುವಿನ ಭಂಗಿಗೆ ತಮ್ಮದೇ ಆದ ಅರ್ಥ ಕಲ್ಪಿಸಿಕೊಂಡು ತಮಾಷೆಯ ಕಾಮೆಂಟ್‌ಗಳನ್ನು ಮಾಡುತ್ತಿದ್ದಾರೆ.
