ಅಹ್ಮದಾಬಾದ್: ಗುಜರಾತ್ ಟೈಟನ್ಸ್ ತಂಡವು ಐಪಿಎಲ್ ಕ್ರಿಕೆಟ್ ಪಂದ್ಯಾವಳಿಯ ೬೬ ನೇ ಪಂದ್ಯದಲ್ಲಿ ಇಂದು ಚೆನ್ನೆöÊ ಸೂಪರ್ ಕಿಂಗ್ಸ್ ತಂಡವನ್ನು ಎದುರಿಸಲಿದ್ದು, ಮೊದಲ ಇಲ್ಲವೇ ಎರಡನೇ ಸ್ಥಾನದಲ್ಲಿ ಉಳಿದುಕೊಳ್ಳುವ ಗುರಿಯೊಂದಿಗೆ ಕಣಕ್ಕೆ ಇಳಿಯಲಿದೆ.
ಇಲ್ಲಿನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಪಂದ್ಯ ಸಾಯಂಕಾಲ ೭:೩೦ ಕ್ಕೆ ಆರಂಭವಾಗುತ್ತಿದ್ದು, ಮೊದಲೆರಡು ಸ್ಥಾನ ಪಡೆದರೆ ಕ್ವಾಲಿಫಾಯರ್-೧ ರಲ್ಲಿ ಆಡಿ ಅದರಲ್ಲಿ ಗೆದ್ದು ನೇರ ಫೈನಲ್‌ಗೇರುವ ಇರಾದೆಯೂ ಆ ತಂಡಕ್ಕೆ ಇದೆ. ಇನ್ನೊಂದೆಡೆ ಚೆನ್ನೆöÊ ಸೂಪರ್ ಕಿಂಗ್ಸ್ ತಂಡವು ಈ ಪಂದ್ಯವನ್ನಾದರೂ ಗೆದ್ದು ನಾಲ್ಕನೇ ತಂಡವಾಗಿ ಪ್ಲೇ ಆಪ್ ಪ್ರವೇಶ ಪಡೆಯುವ ಸಾಧ್ಯತೆಯನ್ನು ಅರಸುತ್ತ ಕುಳಿತುಕೊಳ್ಳಬೇಕಿದೆ. ಪಂದ್ಯ ತೀವ್ರ ಕುತೂಹಲ ಕೆರಳಿಸಿದೆ.
