ಐಪಿಎಲ್ ಕ್ರಿಕೆಟ್ ಪಂದ್ಯಾವಳಿ ಮುಗಿಯುತ್ತಲೇ ತಲೆದಂಡ ಸುರುವಾಗಿದ್ದು, ಎಲ್ಎಸ್ಜಿ ನಾಯಕ ರಿಷಬ್ ಪಂತ್ ನಾಯಕತ್ವ ಸ್ಥಾನದಿಂದ ಕೆಳಗಿಳಿಯಬೇಕಾಗಿದೆ.
ರಿಷಬ್ ಪಂತ್ ನಾಯಕ ಸ್ಥಾನಕ್ಕೆ ನಿನ್ನೆ ಮನವಿ ಸಲ್ಲಿಸಿ ತಮ್ಮನ್ನು ಸೇವೆಯಿಂದ ಮುಕ್ತಗೊಳಿಸುವಂತೆ ಕೇಳಿಕೊಂಡಿದ್ದರು. ಪಂತ್ ಮನವಿ ಮಾಡಿದ ತಕ್ಷಣವೇ ಎಲ್ಎಸ್ಜಿ ಆಡಳಿತ ಮಂಡಳಿ ಅವರ ಮನವಿಯನ್ನು ಪುರಸ್ಕರಿಸಿದೆ ಎಂದು ನಿರ್ದೇಶಕ ಟಾಮ್ ಮೋಡಿ ಪತ್ರಿಕಾ ಹೇಳಿಕೆ ನೀಡಿ ತಿಳಿಸಿದ್ದರು.
ಪಂತ್ ಮನವಿಯನ್ನು ಬೇಗ ಪುರಸ್ಕರಿಸಿದ ಹಿನ್ನೆಲೆಯಲ್ಲಿ ಪಂತ್ ಅವರ ರಾಜೀನಾಮೆ ಆಡಳಿತ ಮಂಡಳಿಗೆ ಬೇಕಾಗಿತ್ತೇ ಎಂಬ ಸಂದೇಹ ಕ್ರಿಕೆಟ್ ಗೊತ್ತಿರುವ ಎಲ್ಲರಿಗೂ ತಿಳಿದ ವಿಷಯವೇ.
ರಿಷಬ್ ಪಂತ್ ನಾಯಕತ್ವದಲ್ಲಿ ತಂಡವು ಈ ಬಾರಿಯ ಐಪಿಎಲ್ನಲ್ಲಿ ತೀರಾ ನೀರಸ ಪ್ರದರ್ಶನ ತೋರಿ ಕಡೆಯ ಅಂದರೆ ೧೦ ನೇ ಸ್ಥಾನದೊಂದಿಗೆ ಪಂದ್ಯಾವಳಿ ಮುಗಿಸಿತ್ತು. ರಿಷಬ್ ಪಂತ್ ನಾಯಕನಾಗಿ ವಿಫಲವಾಗಿದ್ದಲ್ಲದೇ ವೈಯಕ್ತಿಕವಾಗಿಯೂ ಬ್ಯಾಟಿಂಗ್ನಲ್ಲಿ ನೀರಸ ಪ್ರದರ್ಶನ ನೀಡಿದ್ದರು.
