ಹಿಂದೂಜಾ ಗ್ರೂಪ್’ನ ಅಧ್ಯಕ್ಷ ಗೋಪಿಚಂದ್ ಪಿ. ಹಿಂದೂಜಾ ಅವರು 85ನೇ ವಯಸ್ಸಿನಲ್ಲಿ ಲಂಡನ್’ನಲ್ಲಿ ನಿಧನರಾಗಿದ್ದಾರೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ.
ವ್ಯಾಪಾರ ವಲಯದಲ್ಲಿ ಪ್ರೀತಿಯಿಂದ “ಜಿಪಿ” ಎಂದು ಕರೆಯಲ್ಪಡುವ ಹಿಂದೂಜಾ ಅವರು ಹಲವಾರು ವಾರಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದರು ಮತ್ತು ಲಂಡನ್ ಆಸ್ಪತ್ರೆಯಲ್ಲಿ ನಿಧನರಾದರು ಎಂದು ಕುಟುಂಬ ತಿಳಿಸಿದೆ.
ಹಿಂದೂಜಾ ಕುಟುಂಬದ ಎರಡನೇ ತಲೆಮಾರಿನ ಸದಸ್ಯರಾದ ಹಿಂದೂಜಾ, ಮೇ 2023 ರಲ್ಲಿ ತಮ್ಮ ಹಿರಿಯ ಸಹೋದರ ಶ್ರೀಚಂದ್ ಅವರ ನಿಧನದ ನಂತರ ಅಧ್ಯಕ್ಷ ಸ್ಥಾನವನ್ನು ವಹಿಸಿಕೊಂಡರು.
ಇನ್ನು ಅವರು ಪತ್ನಿ ಸುನೀತಾ, ಪುತ್ರರಾದ ಸಂಜಯ್ ಮತ್ತು ಧೀರಜ್ ಮತ್ತು ಮಗಳು ರೀಟಾ ಅವರನ್ನು ಅಗಲಿದ್ದಾರೆ.
